29 Кулун тутар 29.03
  • -14°
  • $ 92,26
  • 99,71

Кыстык: «Тыымпы» сүөһүтүн туруга куһаҕана суох

16:04, 16 февраля 2018
Текст:
Читайте нас на
Яндекс Новости
ЯДВ

Тыа хаһаайыстыбатын управлениеларын истэринэн үлэлиир суһал ыстааптар кыстык хаамыытын кыраҕытык хонтуруоллууллар.


Бүлүү улууһунааҕы кыстык суһал ыстаабын хамыыһыйата бэтэринээринэй-чинчийэр лабораториялардаах управление сэбиэдиссэйэ Александра Васильева салалтатынан бу күннэргэ Тыымпы нэһилиэгэр “Тыымпы” кэпэрэтиип сүөһүтүн туругун бэрэбиэркэлээтэ. Хамыыһыйа састаабыгар нэһилиэк дьаһалтатын тыа хаһаайыстыбатыгар исписэлииһэ Антонина Александрова уонна кэпэрэтиип биригэдьиирэ Григорий Никитин киирэн үлэлээтилэр.

Ыанньык пиэрмэтигэр 104 ынах сүөһү, түөрт атыыр оҕус, оттон ыччат сүөһү хотонугар 22 бургунас уонна 124 субан сүөһү кыстаан турар. От баар, күҥҥэ иккитэ аһатар буоланнар, уопсай туруктара куһаҕана суох, арай, тоҕус субан ырыганныыр чинчилээхтэр. Орто Күөллээҕи сылгы базатыгар 272 сылгы, ол иһигэр 143 биэ кыстаан турар. Ити иһиттэн ырыганныыр чинчилээх уон тый баар, атыттар туруктара куһаҕана суох, кыстыгы туоруурга сөп буолар от саппааһа баар эбит. Хамыыһыйа чилиэннэрэ кэпэрэтиип сүөһүтүн-сылгытын туругун, отун хаачыстыбатын көрөн-истэн бараннар, үлэһиттэри кытары көрүстүлэр, ырыганнаабыттары эбии аһатыыга туруорарга уонна битэмиининэн хааччыйарга эттилэр.

Следите за самым важным и интересным в Telegram-канале и WhatsApp-группе ЯСИА