21 От ыйа 21.07
  • 25°
  • $ 88,02
  • 96,04

Кыргызстан чунуобунньуктара тустуук Айаал Лазаревка сэрэтии оҥордулар

17:59, 17 августа 2016
Текст:
Читайте нас на
Яндекс Новости
ЯДВ

Кыргызстан ыччат, физкультура уонна спорт дьыалаларыгар агенствота Рио Олимпиадатыгар кыттаары сылдьар тустуук Айаал Лазаревка сэрэтии оҥордо. Чунуобунньуктар кини пляжка сынньана сылдьар видеотын социальнай тиһиктэргэ таһаарбытын сөбүлээбэтэхтэр. Ити туһунан «Азаттык» портал иһитиннэрэр.


Айаал Лазарев атырдьах ыйын 14 күнүгэр Instagram аккаунугар 25 сөкүүндэлээх видеоролигы устан таһаарбыт. Маны көрбүт дьон тустуук Олимпиадаҕа бэлэмнэммэккэ, таах сылдьарын туһунан санааларын эппиттэр.

Лазарев атырдьах ыйын 20 күнүгэр Кыргызстан сүүмэрдэммит хамаандатын иһин 125 кг диэри ыйааһыҥҥа тустуохтаах. Кини Бразилияҕа Оонньуу аһылыан иннинэ кэлбитэ.

Кыргызстан ыччат, физкультура уонна спорт дьыалаларыгар агенствотын баһылыга Канат Аманкулов былааннаммыт дьарык кэнниттэн спортсменнар сынньанар бырааптаахтарын санатар. Тустуук сөтүөлүү, видеоҕа уста сылдьан ханнык да нуорманы кэспэтэҕин ыйар. Ол эрээри, социальнай тиһиктэргэ маны сүөргүлүүр да дьон бааллара биллибит. Ол иһин тустуукка сэрэтии биэрбиттэр.

Следите за самым важным и интересным в Telegram-канале и WhatsApp-группе ЯСИА