2020 сыл бүтэһигэр «О гарантиях и компенсациях для лиц, работающих и проживающих в районах Крайнего Севера и приравненных к ним местностях» сокуоҥҥа уларытыылар киирбиттэрэ. Кыраныысса таһыгар сынньаммыт биэнсийэлээхтэр айаннарын ороскуотун төлөттөрүөхтэрин сөп, СИА тустаах пуонда пресс-сулууспатыгар олоҕуран суруйар.
Биэнсийэ пуондатын Саха сиринээҕи салаатын социальнай төлөбүрдэргэ отдел иһитиннэрбитинэн, Российскай Федерация тас өттүгэр сынньалаҥҥа айан иһин төлөбүрү компенсациялааһын бэрээдэгэ билигин федеральнай уоргаттарга сөбүлэҥҥэ сылдьар.
Барыллаан биллэринэн, компенсация айаны оҥорбут тэрилтэ ыспыраапкатыгар олоҕуран бэриллэр. Ыспыраапкаҕа билиэккэ киллэриллибит Российскай Федерация территориятыгар бырайыас суумата суруллар.
Маны сэргэ биэнсийэлээх кыраныысса таһынааҕы пааспара ирдэниэн сөбүн туһунан боппуруос үөрэтиллэр. Манна кыраныыссаны туоруурга хонтуруолу ыытар уорган бэлиэтээһинэ баар буолуохтаах.
This post was published on 04.02.2021 12:01 12:01