Борогон нэһилиэгин олохтоох библиотекатыгар самаан сайын, уйгу—быйаҥ ыһыахтар кэлбиттэринэн оскуолаҕа киириэн иннинээҕи уонна алын сүһүөх кылаас оҕолоругар анаан «Дьоллоох оҕо саас» тэрээһин буолла.
Тэрээһини үөрүүлээхтик аһыы сиэригэр-туомугар В.М.Прокопьев аатынан Тумул орто оскуолатын 3 кылааһын уэрэнээччилэрэ ,»Кинигэни таптаачччылар» куруһуокка сөбүлээн дьарыктанар оҕолор,»Бастыҥ кылаас» номинация хаһаайыттара, кылаас салайааччыта Софронова Р.Е.,»Аан дойду оҕо хараҕынан» бырайыак кыайыылааҕа 5саастаах Алгыс Васильев бэйэлэрин эҕэрдэлэрин тиэртилэр. Үһүс кылаас уэрэнээччилэрэ Иван Мигалкин хоһооннорун доргуччу аахтылар, хомус алыптаах тылын дьиэрэччи тартылар. Алгыс Васильев Саха Саарына В.В.Никифоров —Күлүмнүүр «Сүгүрүй үс саха төрүөҕэр «хоһоону доргуччу ааҕан көрөөччүлэри сөхтөрдө.Тэрээһиҥҥэ араас оҥоһуктар пластилинтан,кумааҕыттан,таҥастан,баайыы сабынан оҥоһуллубут паннолар уонна уруһуйдар кинигэ быыстапкалара көрдөрүүгэ турдулар. Ырыа, хоһоон, уруһуй, викторина, таайбараҥ, «Олоҥхо үс дойдутун устун айан» остуол оонньуутугар күрэхтэр ыытылынннылар. Саамай ыраахтан Москва куораттан 4 саастаах Ковалевская Мирослава кэлэн күрэххэ кыттыыны ылла. Саамай кыра кыттааччы Левочкина Лена 1саастаах. «Мин эбэм суората эчи минньигэһиэн» видеозапиһынан көрдөрэн эбэтэ Н.А.Аржакова—Иванова кэпсээтэ, Дьокуускай куораттан биһиги күрэхпитигэр Ньургуяна,Туяра Третьяковалар,Олеся Сивцева, Левочкина Соня, Левочкин Артур, Семенова Лилия, Семенов Дима, Намтан Находкина Айта олус үчүгэйдик кытыннылар.Биһиги оҕолорбут ыалдьыт оҕолорго бэйэлэрин сэмэй талааннарын арыйан кэпсээтилэр, ыллаатылар туойдулар.Кыайыылаахтарга туоһу суруктар, сэмэй бэлэхтэр, кыттааччыларга өйдөбүнньүктэр туттарылыннылар.
