Таатта улууһугар Кыйыга оскуолаҕа саҥа миэбэли таҥан, туруоран эрэллэр. «Монтажник» ПК 90 оҕо үөрэнэр оскуолатын тутан бүтэрэн эрэр.
Кыйытааҕы саҥа тутуу үлэтэ 90% толоруллубут. Бу туһунан СӨ Тутууга министиэристибэтин пресс-сулууспата иһитиннэрэр.
Икки мэндиэмэннээх тутуу уопсай иэнэ 2757 кв. м. Кыһа «Үөрэх» национальнай бырайыак иитинэн ыытыллар. Тутааччылар дьиэ иһин оҥоһугун түмүктээн эрэллэр, миэбэллэри таҥаллар, хомуйаллар, үөрэнэр тэриллэри туруораллар. Дьиэҕэ уу, уот, сылаас ситимэ таҥыллыбыт, оҥоһуллубут.
Икки мэндиэмэҥҥэ үөрэнэр кылаастар, лабораториялар, мастарыскыайдар, остолобуой, медпункт, бибилэтиэкэ, спортивнай уонна аактабай саалалар, о.д.а. хостор былааннаналлар. Хас биирдии мэндиэмэҥҥэ рекреациялар, холлар баар буолаллар.
Оскуола сиригэр-уотугар сүүрэн-көтөн оонньуурга былаһааккалаах физкультурнай-спортивнай сир, ону сэргэ, үөрэнээччилэр сынньанар анал сирдэрэ баар буолуохтара.
Оскуоланы 2021 сыл сэтинньи ыйыгар туттарар былааннаахтар, суруйда edersaas.ru.
This post was published on 13.10.2021 15:01 15:01