Өлүөнэ, Алдан уонна Бүлүү өрүстэригэр бэнидиэнньиккэ, алтынньы 20 күнүгэр, араас таһымнаах кыдьымах, сорох учаастактарга күһүҥҥү муус хамсааһына көстөр. Бу туһунан Саха сиринээҕи УГМС иһитиннэрэр.
Индигиир өрүскэ — нуормаҕа чугас, Муома оройуонун Хонуу сэлиэнньэтин аттыгар муус туруута саҕаланна. Аллайыаха оройуонун Чокурдааҕар — нуорматтан 10 суукка хойутаан иһэр.
Аллараа Халыма оройуонун Колымскай сэлиэнньэтин таһыгар Халыма өрүс үрдүгэр муус туруута нуорматтан 8 суукка хойутаабыт. Зырянка – Среднеколымскай учаастагар хойуу кыдьымах бэлиэтэнэр.
