24 От ыйа 24.07
  • 29°
  • $ 87,3
  • 95,46

Кыайыылаахтарга – алмаастаах чороон!

08:17, 25 июня 2018
Текст:
Читайте нас на
Яндекс Новости
ЯДВ

Бэс ыйын 20-21 күннэригэр Мэҥэ-Хаҥалас улууһугар, Майатааҕы Д.Ходулов аатынан Норуот айымньытын киинигэр үһүс төгүлүн “Олоҥхо дойдутун ыҥырыытынан” (“Зов земли Олонхо”) диэн норуоттар икки ардыларынааҕы фестиваль ыытылынна.

Балаһыанньа быһыытынан, фестиваль сыалынан-соругунан буолла: фольклору тарҕатыы уонна араҥаччылааһын, култуурунай эйгэни кэҥэтии.

Оттон сүрүн идиэйэтэ — этнофольклорной култууралар чугасыһыылара, фольклору бастыҥ толорооччулары быһаарыы.

Кыттааччылар саастарынан 5 бөлөҕүнэн, үҥкүүгэ, вокалга, музыкальнай  инструменнарга бэйэлэрин маастарыстыбаларын билиһиннэрдилэр. Норуот бырааһынньыгыттан, үгэстэриттэн, абыычайдарыттан, сиэрдэриттэн-туомнарыттан, оонньууларыттан, о.д.а. быһа тардан көрдөрдүлэр.

Манна олоҥхо, чабырҕах, монолог, хоһоон, үгэ, сценкалар, литературнай ааҕыы – барыта баар!

Фестивальга Мэҥэ-Хаҥаластан, Ньурбаттан, Хаҥаластан, Сунтаартан, Тааттаттан, Чурапчыттан, Дьааҥыттан, Ленскэйтэн, Мирнэйтэн, Алдантан, Дьокуускайтан, Калининградтан тиийэ, Тулагыттан, Бүлүү улуустарыттан, о.д.а. сирдэртэн 300-кэ  талба талааннаах киһи кэлэн, кыттан барда. Быйыл Новай Зеландияттан, Кытайтан, Казахстантан тиийэ ыалдьыттар бааллар.

Граннары ылары ситиспиттэр уйгу быйаҥ алмаастаах чорооннорунан, Турцияҕа норуоттар икки ардыларынааҕы фестивальга кыттар путевканан наҕараадаланнылар.

Ньурба Маарыттан кэлбит “Алгыс”  эбээлэр түмсүүлэрэ куонкуруска кыттан,  3-с истиэпэннээх дипломунан наҕараадаланна уонна Москваҕа норуоттар икки ардыларынааҕы фестивальга кыттар путевканы тутта. Кинилэри  кытта Маартан оҕолор кэлэн кыттан, эмиэ кыайыы көтөллөнөн, ситиһии сиэттэрэн, үөрүүлэрэ муҥура суох. Оҕолор 1 истиэпэннээх  лауреат аатын ыллылар,  Одессаҕа барар путевканан наҕараадаланнылар, ону таһынан Кытайга норуоттар икки ардыларынааҕы ыччат фестивалыгар ыҥырыы туттулар.

Бу биир нэһилиэктэн улахан ситиһии. “Манна барытыгар салайааччы Анжелика Седалищева өҥөтө улахан…”, — дэһэллэр кыттааччылар.

 

Валентина ВАСИЛЬЕВА,

“Эйгэ” уопсастыбаннай түмсүү салайааччыта.

0

0
Следите за самым важным и интересным в Telegram-канале и WhatsApp-группе ЯСИА