«Знамя Победы» эстафета, Ил Дархан Айсен Николаев стартаабыт дьаһала, салҕанан барар. Олунньу 13 күнүгэр Бүлүү улууһугар тиийдэ. Бу 15 муниципальнай тэриллии буолла.
Кыайыы сүрүн бэлиэтин Горнай уонна Бүлүү улуустарын кыраныыссатыгар бэристилэр.
«Төрөөбүт тыл күнүгэр эстафета биһиэхэ кэлбитэ — ураты суолталаах. Дойдубут знамята Бүлүү улууһугар үктэннэ. Бу бэлиэ эрэ буолбатах, биһиги аҕа саастаах көлүөнэбит хорсун быһыыларын ытыгылыыбыт, кэлэр көлүөнэ олоҕо тупсарыгар үлэлиибит»,
– диэтэ оройуон депутаттарын сэбиэтин бэрэссэдээтэлэ Гаврил Корякин.
Хаартыска: www.sakha.gov.ru
