Кыайыы күнүн бырааһынньыга Дьокуускайга Кыайыы пааркатыгар уонна Кыайыы болуоссатыгар ыытыллыаҕа. Ол туһунан куорат дьаһалтата эттэ.
Култуура уонна духуобунай сайдыы управлениетын салайааччыта Индира Ли эппитинэн, Кыайыы пааркатыгар ыам ыйын 6, 7 уонна 8 күннэригэр айар кэлэктииптэр уонна оскуола оҕолорун кыттыылаах тэрээһиннэр ыытыллыахтара. Полевой куухуна үлэлиэҕэ уонна «Георгиевская лента» аахсыйа ыытыллыаҕа. «Свеча Памяти» ыччат патриотическай аахсыйата тэриллиэҕэ.
Кыайыы болуоссатыгар ыам ыйын 8 күнүгэр «На привале» фронтовиктар көрсүһүүлэрэ буолуоҕа. «Вальс Победы», призывниктары атаарыы, бэтэрээннэри кытта көрсүһүү, полевой куухуна тэриллэрэ былааннанар.
Ыам ыйын 9 күнүгэр 11.00 чаастан болуоссакка өрөгөйдөөх миитин, байыаннай-патриотическай параад, бырааһынньыктааҕы кэнсиэр буолуоҕа, киэһэ — Кыайыы салюта.
