История умнуллубат! Сүгүрүйэбит Геройдарга, эйэлээх олоҕу турууласпыт бары буойуттарга!
А.Н. Косыгин аатынан Россиятааҕы судаарыстыбаннай университет устудьуона Николай Николаев 2020 сыллаахха «Спасибо Герою! Спасибо Солдату!» диэн патриотическай бырайыакка анаан Аҕа дойду улуу сэриитигэр Сэбиэскэй Союз Геройа ааты ылбыт Саха сирин буойуттарын мэтириэттэрин уруһуйдаабыта. Ити Кыайыы 75 сылыгар анаммыта. Дьокуускай куорат 1-кы нүөмэрдээх орто оскуолатын 11 кылааһын үөрэнээччилэрэ ити сыл Геройдары үйэтитиигэ улахан үлэни ыыппыттара. Оҕолор бырайыактарын 2018 сыл балаҕан ыйын 25 — 2021 сыл бэс ыйын 17 күннэригэр Ил Түмэн бэрэссэдээтэлинэн үлэлээбит Петр Гоголев өйөөбүтэ. «Ийэ дойдугутугар ытыктабыллаах сыһыаҥҥыт иһин оҕолорго махтанабын! Инникитин даҕаны өрүү маннык дойдугутун таптыы, харыстыы, киэн тутта сылдьыҥ! Куруук эйэлээх олох баар буоларыгар кыһаллыҥ, туруулаһыҥ!», — диэн оҕолорго туһаайыы оҥорбута.
Геройдар тустарынан Бикипиэдьийэҕэ сигэлэринэн киирэн ааҕыҥ.
Сапожников Владимир Васильевич
Тепляков Мартын Пантелеймонович
Стрекаловскай Михаил Михайлович
Геройдар, эйэлээх олох туһугар турууласпыт буойуттар эдэр көлүөнэ өйүгэр-санаатыгар куруук тыыннаахтар.
Анал байыаннай дьайыыга дойду кырдьыгын туһугар үлэлии сылдьар биир дойдулаахтарбытын Кыайыы өрөгөйдөөх дойдугутугар төннөн кэлэргитин күүтэбит. Кыайыы күнүнэн! Куруук эйэлээх олох баар буоллун!!!
This post was published on 09.05.2024 10:00 10:00