Фронтовик-суруйааччы Тимофей Сметанин сэһэнигэр олоҕурбут саха булчута өстөөх снайпердарын кытта киирсиитин туһунан «Рядовой Чээрин» киинэ ыам ыйын 9 күнүгэр 18.20 чааска СТС телеханаалга көстүөҕэ, регион сүрүн пресс-сулууспата суруйар.
Ыам ыйын 5 күнүттэн «Лена» уонна «Синема-центр» киинэ тыйаатырдарыгар Тимофей Сметанин «Егор Чээрин» сэһэнигэр олоҕурбут киинэ көстүөҕэ. Манна буойун Аҕа дойду улуу сэриитигэр бииргэ сулууспалаабыттарын, геройдар уонна 284-с минометнай пуолка саллааттарын тустарынан хронологиялаах, историческай ыспыраапкалардаах анал версия тахсыаҕа.
Егор Чээрин туһунан байыаннай хартыына YouTube-ханаалга «Watch — Русское кино» сыһыарыытыгар түөрт хонук иһигэр 1,7 мөл тахса көрүүнү ситистэ. Оттон YouTube-ка быһа тахсыыга 12 мөл тахса көрүү.
«Егор Чээрин» сэһэн 1947 сыллаахха суруллубута.
