Куорат баһылыга Евгений Григорьев уонна куорат мунньаҕын бэрэссэдээтэлэ Альберт Семенов култуурунай бырагыраамаҕа, спорт күрэхтэһиилэригэр, маны сэргэ аска-үөлгэ, атыыга-кутууга болҕомтону уурдулар.
История наукатын доктора Екатерина Назарова бырааһынньык кэнсиэпсийэтин билиһиннэрдэ, норуот историятыгар уонна култууратыгар ытыктабылга болҕомто уурулларын эттэ. Буойуннары чиэстээһин барыаҕа, сүрүн Бэлиэнэн Кыайыы Чорооно буолуоҕа. Кыайыы оһуохайынан түмүктэниэхтээх. Аттаах дьон, буойун бухатыырдар уобарастара инники күөҥҥэ тутуллуоҕа.
Кэнсиэпсийэ ааптара этэринэн, ыччаты историятын уонна култууратын үөрэтиигэ уһуйуллуохтаах, онно национальнай бырааһынньыгы ыытыы уонна тэҥҥэ сылдьыы тирэх буолуоҕа.
