2023 уонна 2024 сылларга барыта 121 пааматынньык чөлүгэр түһэриллибитэ.
«Билигин ааспыт үйэ 50–80-с сыллардааҕы пааматынньыктарын кытта үлэлиибит. Аҕа дойду улуу сэриитин кыттыылаахтара бэйэлэрэ баар эрдэхтэринэ тутуллубут эбийиэктэр буолаллар. Онон, бастатан туран, кинилэри харыстабылга ылыахтаахпыт», – диэтэ Гаврил Терентьев.
2025 сыл тохсунньутугар Бастакылар Хамсааһыннарын кытта сөбүлэҥ суруллубута, онно олоҕуран кинилэр элбэх пааматынньыгы бэйэлэрин илиилэригэр ылаллар. Хамсааһын быйыл Покровскайга, Мэҥэ Хаҥалас улууһугар пааматынньыктары өрөмүөннүөҕэ.
Өрөспүүбүлүкэ территориятыгар 750 пааматынньык, стела, обелиск, бюст, умуллубат уот, көмүүлэр уонна байыаннай техника уобарастара бааллар. Олортон 209 өйдөбүнньүк Россия норуоттарын култуура нэһилиэстибэтин эбийиэктэрин реестрыгар киллэриллибитэ.
This post was published on 26.02.2025 15:07 15:07