19 От ыйа 19.07
  • 19°
  • $ 88,02
  • 96,04

Кыайыы-75: Куокуйдар бэстибээллэрин саҕалаатылар

16:03, 06 марта 2020
Текст:
Читайте нас на
Яндекс Новости
ЯДВ

Улуу Кыайыы 75 сылыгар анаан Кэбээйи улууһун Арҕас бөһүөлэгэр тэрилтэлэр икки ардыларыгар бэстибээл салҕанар. Бөһүөлэк биир түмсүүлээх, көхтөөх хамаандата – «Ача» оҕо тэрилтэтин кэлэктиибэ кулун тутар саҥатыгар кэнсиэрин көрдөрдө.


«Ача» оҕо тэрилтэтин кэлэктиибэ олус айар дьоҕурдаах дьонунан биллэр. Кэлэктиип иһинэн «Сардаана» диэн ырыа ансаамбыла тэриллэн ыллаабыттара ыраатта. Салайааччы М.П.Илларионова – нэһилиэк культурнай олоҕун биир бастыҥ кыттааччыта, тэрийсээччитэ, олохтоох нэһилиэнньэ дьахтарын Сэбиэтин салайан үлэлэтэ сылдьар.

Куокуй нэһилиэгэр ыытыллар тэрээһиннэр бу кэлэктиип ырыаһыттара суох барбат курдуктар. Тэрилтэ көрдөрүүтэ Борис Васильев «А зори здесь тихие…” диэн сэһэнинэн кэпсэнэр кэрчиктэринэн ыытылынна. Фронтовик-суруйааччы бу сэһэнин 1969 сыллаахха суруйбута. Хорсун биэс кыыс оруолун толордулар: Лоботова С.В., Дьяконова Н.А., Гуляева М.Б., Олесова Н.Н., Полятинская С.Д., онтон старшина Васкову Иванов Г.Г. итэҕитиилээхтик оонньоон көрдөрдө.

Буоларын курдук ырыа, үҥкүү, клоунада, көрдөөх сценкалар көрөөччүлэр ытыстарын доҕуһуолларынан арыалланнылар. Ырыаһыттар М.П.Илларионова, Р.П.Игнатьева, С.В.Лоботова, Е.Т.Павлова, Г.Г.Иванов, үҥкүүһүттэр Лоботова С.В., Дьяконова Н.А., Гуляева М.Б., Игнатьева А.П., Полятинская С.Д., Олесова Н.Н., көрдөөх-күлүүлээх артыыстар Гуляева А.С., Каратаева С. А., Дьяконова Н.А. бэйэлэрин талааннарынан мустубут дьону сэргэхситтилэр.

 

Эстафетаны үһүс бөлөх кыттааччылара ОДьКХ, «Сахатранснефтегаз», ФАП уонна чааһынай маҕаһыыннар кэлэктииптэрэ ыллылар. Ити курдук Куокуй нэһилиэгэр «Я помню! Я горжусь!” диэн бэстибээл салҕанар.

Варвара Спиридонова, https://ulus.media/2020/03/06/kuokuj-ne-ilieger-kyajyy-75-sylygar-bestibeel-sal-anar/

Следите за самым важным и интересным в Telegram-канале и WhatsApp-группе ЯСИА