21 Тохсунньу 21.01
  • -48°
  • $ 73,82
  • 83,32

Квалификацияны үрдэтии туһата

15:08, 25 февраля 2016
Текст:

«Дьокуускайдааҕы культура уонна искусство колледжын кэтэхтэн уонна эбии үөрэхтээһиҥҥэ отделын испэсэлиистэрэ Саргылаана Николаевна Свешникова, Надежда Александровна Румянцева өрөспүүбүлүкэ бары муннуктарыгар баар культура эйгэтин тэрилтэлэрин кытта сибээһи ыкса тутан бары кыһамньыларын ууран үлэлэһэллэр.


Кинилэр ол сыралара үчүгэй түмүктэрдээҕиттэн үөрэбит. Ол курдук, тыа сирин культураҕа эйгэтин үлэһиттэрэ куурустарга сылдьан, эбии үөрэнэн калификацияларын үрдэтэллэрэ үлэлэрин-хамнастарын салгыы сайыннаралларыгар улахан төһүү буоларын бэлиэтииллэр, сыллааҕы тэрээһиннэрин туһунан сырдаталлар, бэйэлэрин икки ардыларыгар үлэҕэ үөрүйэхтэрин атастаһаллар», — диир колледж методиһа, пресс-сэкирэтээрэ Василий Бачиев.

аку0Кини кэпсээбитинэн, бу күннэргэ Амматтан, Уус-Маайаттан, Ньурбаттан, Кэбээйиттэн, Өлүөхүмэттэн, Алдантан, Уус-Алдантан уонна Дьокуускайтан культура эйгэтин үлэһиттэрэ мустан культурнай-маассабай үлэни-хамнаһы уонна театральнай туруоруулары тэрийиигэ аналлаах «Режиссура культурно-массовых мероприятий и театральных представлений» кууруска эбии үөрэнэ сылдьаллар. Үөрэхтэрэ лекцияларынан эрэ муҥурдаммат. Эбии дьарыктаныы, устудьуоннар үөрэхтэрин сиһилии билсии, тэрээһиннэри көрүү-истии, санаа атастаһыыта кууруска хайаан да киллэриллэр. Маны сэргэ, Дьокуускайдааҕы культурнай-сырдатар училище үбүлүөйдээх кэнсиэригэр сылдьан, тэрээһин туруоруллуутуттан саҕалаан, хас биирдии боппуруос ымпыгар-чымпыгар тиийэ билсиэхтээхтэр. Колледж преподавателлэрэ этэллэринэн, итинник барыга ыкса ылсан үлэлээһин туһата улахан.

0
0
21 января 21.01
  • -48°
  • $ 73,82
  • 83,32