2016 сылга өрөспүүбүлүкэ чунуобунньуктарын хамнастара үрдээбэт. Ити туһунан буолан ааспыт брифиҥҥэ Саха сирин үлэҕэ, социальнай сайдыыга миниистирэ Александр Дружинин эттэ.
СӨ баһылыга Егор Борисов дьаһалынан кэлиҥҥи хас да сылга министиэристибэлэр уонна биэдэмистибэлэр ороскуоттарын намтаппыттар уонна 2012 сылтан бэттэх үлэһиттэрин ахсаанын 15% аҕыйаппыттар.
2014 сылтан ыла государственнай сулууспалаахтарга хамнас индексациятын суох оҥоруу өрөспүүбүлүкэ бюджетын сокуонугар туспа киирэ сылдьар. Оттон федеральнай сокуон быһаарарынан, бюджет эйгэтин үлэһиттэрин хамнастарын үрдэтии саҕана госсулууспалаахтар хамнастара индексацияланыахтаах диэн баар.
«2014, 2015 сылларга госсулууспалаахтар хамнастара инфляция таһымыгар диэри үрдэтиллибэтэҕэ. 2016 сылга да эбиллии оҥоһуллуо суоҕа», — диэтэ миниистир Александр Дружинин.
2015 сыл балаҕан ыйыгар дойду премьер-миниистирэ Дмитрий Медведев Россия эппиэтинэстээх экономическай бэлиитикэни ыытыахтааҕын, ол баар кыаҕы кытта тэҥнэниллэн оҥоһуллуохтааҕын бэлиэтээбитэ. 2016 сылга бары салааларга барытыгар бюджет харчыта кэмчилэниэхтээх.
