Кырдьаҕастар уонна инбэлииттэр дьиэлэригэр мөлтөхтүк көрөр дьону ааҕарга көмөлөөх тэрилинэн туттарга үөрэттилэр. Бу туһунан Уус Күөл бибилэтиэкэрэ Марфа Пестрякова иһитиннэрдэ.
Дьокуускайтан мөлтөхтүк көрөр дьон өрөспүүбүлүкэтээҕи бибилэтиэкэлэриттэн Валентина Рожина, Оксана Васильева уонна дьон-сэргэ сөбүлээн истэр ырыаһыта, СӨ култуура үтүөлээх үлэһитэ Алексей Калининскай тэрээһини көҕүлээтилэр. «Ыраахтан кэлбит ыалдьыттар мөлтөхтүк көрөр дьон кинигэни ааҕарыгар көмөлөөх тэриллэри (тифлооборудованиелары) көрдөрбүттэрэ, быһаарбыттара улахан сэҥээриини ылла. Бу тэрили хайдах туттары, туһанары кыһалҕалаахтар өргө диэри иҥэн-тоҥон ыйыталастылар», — диир Марфа Анатольевна.
This post was published on 22.03.2016 10:35 10:35