Бэҕэһээ, балаҕан ыйын 28 күнүгэр, суол-иис уустугун, күн-дьыл тымныытын аахсыбакка, Курбуһах нэһилиэгин Балаҕаннаах алааһын Кэттикитигэр (Кэттитики) Ермолаевтар аймах өбүгэлэрин суолталыыр түгэҥҥэ муһуннулар.
Ол курдук, Аҕа дойду Улуу сэриитин кыттыылаахтара Иван Филиппович уонна Капитон Филиппович Ермолаевтарга анаан 2020 сыллаахха туруорбут мэҥэ таастарыгар мемориальнай дуосканы туруордулар.
Бу бэлиэ түгэни Улуу Кыайыы 80 сылыгар уонна аймах бас-көс киһитэ, бука бары убаастыыр киһилэрэ, убайдара Григорий Капитонович Ермолаев 80 сааһыгар сөп түбэһиннэрдилэр, суруйда @uamurusahargata
This post was published on 29.09.2025 10:33 10:33