Үөһээ Бүлүү улууһа окко былаанын 95% толордо, билигин даҕаны ходуһаларга үлэ тохтообот. Курааннаабыт, уоттан эмсэҕэлээбит үс оройуоҥҥа от ыытар былааннаахтар, дуогабар толоруллар, суруйар СИА.
«Улуус иһигэр туттар оппут бэлэм. Кураан сайын да буоллар, былааммытын 95% толордубут, 23 тыһыынча туонна оттоннубут. Бу нэдиэлэҕэ ситэриэхпит. Быйыл Горнайга, Чурапчыга, Хаҥаласка атыыга диэн эмиэ от бэлэмнээтибит. Дуогабарга илии баттаһабыт, ити 750 туонна от», — СИА-ҕа Үөһээ Бүлүүтээҕи тыа хаһаайыстыбатын управлениетын салайааччыта Сергей Иванов эттэ.
Кини кураан улахан хаһаайыстыбалар кыстыкка бэлэмнэниилэригэр кыһарыйбытын эттэ. Сорох ходуһалар ойуур уотугар былдьаммыттар, онон кинилэргэ иһинээҕи от саппааһыттан тиксэрэр соруктаахтар.
Бүгүҥҥү туруганан, улууска 14032 сүөһү уонна 11041 сылгы баар.
This post was published on 21.09.2021 11:28 11:28