Быйылгыттан Дьокуускайга оптуобустарга сибэккинэн эргинэр бобуллар. Бу ирдэбил туолуутун сааскы бырааһынньыктар күннэригэр анал бөлөхтөр кэтээн көрүөхтэрэ, диэн олунньу 9 күнүгэр куорат мунньаҕар иһитиннэрдилэр.
Бөлөххө быраабы араҥаччылыыр уоргаттар сотрудниктара, административнай хамыыһыйалар бэрэстэбиитэллэрэ киирэллэр.
«Куорат олохтоохторун сибэккилэринэн хааччыйар туһугар урбаанньыттарга стационарнай эбийиэктэргэ, ол иһигэр, оптуобус сылаас тохтобулугар атыыга быстах миэстэлэри биэрии көрүллэр», — диэн мэрияҕа бэлиэтээтилэр.
Санатан эттэххэ, кулун тутар 8 күнүгэр Дьокуускайга оптуобустарга сибэкки атыытын бобууну элбэх үҥсүү кэнниттэн киллэрдилэр. Куорат олохтоохторо уопсастыбаннай тырааныспар аҕыйыырын сөбүлээбэттэр, оттон урбаанньыттар суобаһа суох күөн-көрсүү буоларын эттилэр.
This post was published on 10.02.2026 16:09 16:09