21 Тохсунньу 21.01
  • -48°
  • $ 73,82
  • 83,32

Кулун тутар 5 күнэ – Саха Өрөспүүбүлүкэтигэр Норуот маастарын күнэ

17:51, 05 марта 2018
Текст:

Ил Дархаммыт Ыйааҕынан, 2012 сылтан саҕалаан, биһиги өрөспүүбүлүкэбитигэр, Саха сирин норуоттарын уус-уран оҥоһуктарын, искусстволарын араҥаччылыыр, сөргүтэр уонна сайыннарар сыаллаах, Норуот маастарын күнэ бэлиэтэнэр.


«Кэскил» хомусчуттар ансаамбыллара сэлэлии хаамыыга Хаҥалас улууһун Төхтүрүттэн кэлэн кытынна

Ол чэрчитинэн, быйыл кулун тутар 3-5 күннэригэр Дьокуускайга VIII Өрөспүүбүлүкэтээҕи дьаарбаҥка-быыстапка ыытылла турар.

Өксөкүлээх Өлөксөй аатынан Норуоттар доҕордоһууларын киинин Генеральнай дириэктэрэ Яна Игнатьева, бу тэрээһиҥҥэ кыттыыны ыла Саха сирин 21 улууһуттан норуот маастардара кэллилэр, диэтэ “Якутия мастеревая” дьаарбаҥка-быыстапканы үөрүүлээхтик аһыыга.

Норуот маастардара. Хаҥалас нэһилиэктэрэ  быйыл  бэрт көхтөөхтөр

Дьаарбаҥка-быыстапка бырагыраамата олус киэҥ. Манна норуот талааннаахтара маастар-кылаас көрдөрөллөр, иистэнньэҥнэргэ сахалыы үгэс буолбут кэмпилиэк-таҥаһы — халадаайы, кэһиэччиги тигиигэ куонкурус ыытыллар, “төгүрүк остуол”  тула олорон санаа атастаһыыта, о.д.а. тэрээһиннэр буолаллар.

Биир саамай чаҕылхай уонна кэрэ, сомоҕолуур күүстээх түгэнинэн, үгэс быһыытынан, Орджоникидзе аатынан болуоссаттан саҕалаан, Ленин болуоссатыгар диэри национальнай таҥастаах маастардар бырааһынньыктааҕы сэлэлии хаамсыылара буолла. Быйылгы кыттааччылар  элбэхтэринэн, таҥастара баайынан, араас көрүҥнээҕинэн, тупсаҕайынан, чаҕылхайдарынан сөхтөрдүлэр.

Дьаарбаҥка-быыстапка түмүктэрин таһаарыы бүгүн күн иккис аҥаарыгар Өксөкүлээх Өлөксөй аатынан Норуоттар доҕордоһууларын киинигэр буолар.

0
0
Тутаах тыллар
21 января 21.01
  • -48°
  • $ 73,82
  • 83,32