Кулун тутар 19 чыыһылатын бэлиэ күннэрэ: Тымныы оҕуһун көхсө «күр» гына сууллар, салгын сылыйан барар, Саха Өрөспүүбүлүкэтигэр — Арктика күнэ, Арассыыйаҕа — Подводник-моряк күнэ, Италия, Мальта, Лихтенштайн — Сибэтиэй Иосиф күнэ.
Түбэлтэлэр
- 1279 — Монгуоллар флоттара уон төгүл сабырыйар Сун импиэрийэ флотун кыргыбыт. Сун импиэрийэ суох буолбут, Кытай бүттүүнэ Монгуоллар импиэрийэлэригэр киирбит.
- 1697 — Петр I Европаҕа айанын саҕалаабыт.
- 1819 — Арассыыйаҕа бастакы суһал көмө ыстаансыйата Петербурга арыллыбыт.
- 1921 — Сибревком уурааҕынан Приморскай кыраайын Охотскай уонна Камчатка уездтара Саха күбүөрүнэтин састаабыгар киллэриллибиттэр.
- 1970 — Андрей Сахаров, Валентин Турчин уонна Рой Медведев ССРС-ка демократиялыы уларытыылары киллэрэр туһунан аһаҕас суругу дойду салайааччыларыгар Брежнев, Косыгин уонна Подгорнай ааттарыгар суруйбуттар.
- 1990 — Саха АССР Үрдүкү Сэбиэтин уурааҕынан Алексеевскай оройуон аата Таатта оройуона диэн буолбута.
- 2003 — АХШ бэрэсидьиэнэ Джордж Буш Ираак баһылыгар Саддам Хусейнҥа ультиматум туруорбут, бу күнтэн ыла сэрии саҕаламмыт диэххэ сөп. Британия, Япония, Турция уонна Австралия салалталара өйөөбүттэр, Франция, Кытай уонна Канаада утарбыттар.
Төрөөбүттэр
- 1931 — Аким Кондратьев (2001 өлб.) — учуутал, бэйиэт, суруналыыс.
- 1950 — Тимофей Сметанин — Саха академическай тыйаатырын артыыһа, драма уонна киинэ артыыһа.
- 1956 — Егор Гайдар — РФ бырабыыталыстыбатын бэрэстээтэлэ, бэлиитик, экэнэмиис.
- 1981 — Чурапчы улууһун Одьулуун сэлиэнньэтигэр Геннадий Турантаев — Саха академическай тыйаатырын артыыһа, тыйаатыр уонна киинэ артыыһа.
- 1986 — Айаал Лазарев — ыарахан ыйааһыҥҥа тустар саха биллиилээх тустууга, көҥүл тустууга Азия чөмпүйүөнэ.
Өлбүттэр
- 2016 — Сэмэн Руфов — суруйааччы, саха норуодунай бэйиэтэ, тылбаасчыт, ССРС суруйааччыларын Сойууһун чилиэнэ.
This post was published on 19.03.2021 09:00 09:00