29 Кулун тутар 29.03
  • -15°
  • $ 92,37
  • 99,53

Кулун Өлбүккэ кулунчук уонна ньирэй төрөөтүлэр

Читайте нас на
Яндекс Новости
ЯДВ

Муома улууһугар Кулун Өлбүккэ бастакы кулунчук төрөөтө. Итиэннэ саха боруодатын иитэр пиэрмэҕэ бастакы ньирэй күн сирин көрдө. Бу туһунан тыа хаһаайыстыбатын исписэлиистэрэ кэпсээтилэр.

Кулунчук туруга үчүгэй, атыыр (иргэх). Маны сэргэ бөһүөлэккэ хаан атастаһыытын үлэтин чэрчитинэн Соболоохтон атыыр соноҕоһу аҕаллылар. Чыбааҕылаахха сылгыны үөрдээн иитэр сыаллаах урбаанньыт Ганза Уваровскай Таатта оройуонуттан 11 сылгыны атыылаһан аҕалар. Онон бөһүөлэккэ сылгы салаатын үлэтэ кэҥиир кэскиллээх.

Оттон саха ынах сүөһүтүн иитэр Албан Старков кэтэх хаһаайыстыбата бу күннэргэ бастакы төрүөҕү биэрдэ. Кини былырыын Мэҥэ Хаҥалас Чүүйэтиттэн биир атыыр, алта тыһаҕас, бургунас сүөһүлэри атыылаһан аҕалбыта.

Бу Ил Дархан сорудаҕынан саха сүөһүтүн тэнитэргэ үлэ-хамнас ыытылларын, хоту улуустарга саха сүөһүтэ элбииригэр туһуламмыт үлэҕэ хамсааһын тахсарын бэлиэтиир тоҕоостоох, диэн суруйда «Муома оройуона» МТ пресс-сулууспата.

Следите за самым важным и интересным в Telegram-канале и WhatsApp-группе ЯСИА