Дьокуускайдааҕы култуура уонна искусство колледжыгар Аграфена Макарова аата иҥэрилиннэ. Бу туһунан ыйаахха Ил Дархан алтынньы 23 күнүгэр илии баттаата.
Элбэх култуура уонна искусство бастыҥ үлэһитин бэлэмнээн, иитэн таһаарар орто анал үөрэх тэрилтэтин Аграфена Макарова сүүрбэ сыл таһаарыылаахтык салайбыта. Кини үтүмэн үлэни тэрийбитин эдэр көлүөнэ умнубат.
Саамай уустук 90-с сылларга култуурнай-сырдатар училищеттан, үөрэх кыһата култуура, искусство колледжа буолбута, Россияҕа тиийэ үөрэтии саҥа ньымаларын киллэрбитэ. Өссө биир саамай улахан өҥөтүнэн төрүт үгэһи, фольклору тилиннэрбитэ.
Аграфена Дмитриевна аатынан билигин устудьуоннар, уһуйааччылар уонна үөрэх салалтатын түмүктээбит дьон киэҥ туттан, кини түстээбит суолун салгыыллар.
Колледжка билигин күнүскү уонна кэтэхтэн салааларга 400-тэн тахса киһи уһуйуллар.
This post was published on 25.10.2019 16:26 16:26