21 Тохсунньу 21.01
  • -48°
  • $ 73,82
  • 83,32

Култуура коллеһын бүтэрбиттэр хоту улуустары таллылар

17:45, 08 апреля 2016

Дьокуускайдааҕы култуура уонна ускуустуба коллеһын устудьуоннара ханна үлэлии баралларын быһаарыы долгутуулаах күнэ буолла.


Үөрэх кыһатын методиһа Василий Бачьев ыччаттар инники дьылҕаларын быһаарар суолталаах күннэригэр СӨ култуура уонна духуобунай сайдыыга миниистирин солбуйааччы Николай Макаров, улуустартан култуура управлениеларын начальниктара улахан интэриэстээх кыттыбыттарын этэр.

аколледжкульт0

«Быйыл 16 — үҥкүү, 6 — эстрада ырыаһыта, 10 — «Этнохудожественнай айымньы», 6 оҕо — музыка тыаһын-ууһун таҥааччы, оҥорооччу идэтин ыллылар. Ыччаттар тыа сирин кулууптарыгар, тыйаатырдарыгар практикаламмыт буоланнар үлэни-хамнаһы, усулуобуйаны, ирдэбили, көрөөччүлэр интэриэстэрин үчүгэйдик билэллэрэ инники дьылҕаларын быһаарынар эппиэттээх күннэригэр көмөлөөх буолла. Онон выпускниктар уонна кинилэри үлэҕэ ылааччылар бары хара маҥнайгыттан санаалара улаханнык табылынна, уопсай тылы түргэнник буллулар. Оҕолор кыһамньылаахтык үлэлиир, айар-тутар баҕалаахтарын биллэрдилэр, инники былааннарыттан сырдаттылар», — диир Василий Афанасьевич.

аколледжкульт2

Кини Мэҥэ-Хаҥалас, Горнай, Томпо, Чурапчы, Уус-Алдан улуустара быйыл коллеһы кытта көхтөөхтүк үлэлэспиттэрин бэлиэтиир. Маны сэргэ Муома, Өймөкөөн, Абый улуустарыттан култуура управлениетын начальниктара эдэр испэсэлиистэри үлэҕэ үөрүүнэн ылбыттара барыларын астыннарбыт. Култуура эйгэтин үлэһиттэрэ дириэктэр Захар Никитиҥҥэ, преподавателлэргэ кэскиллээх, инникитин элбэҕи эрэннэрэр испэсэлиистэри иитэн-үөрэтэн таһаарбыттарыгар махтаммыттар итиэннэ бу үөрэх тэрилтэтин кытта сибээһи ыкса тутар баҕалаахтарын биллэрбиттэр.

аколледжкультуры3

0
0
21 января 21.01
  • -48°
  • $ 73,82
  • 83,32