29 Кулун тутар 29.03
  • -12°
  • $ 92,26
  • 99,71

Култуура коллеһа уонна музей бииргэ үлэлииргэ сүбэлэстилэр

15:22, 16 декабря 2016
Текст:
Читайте нас на
Яндекс Новости
ЯДВ

Саха сирин норуоттарын муусукатын уонна фольклорун музейын көҕүлээһининэн,  Дьокуускайдааҕы култуура уонна искусство коллеһын устудьуоннарын кытта кэскиллээх кэпсэтии, туһалаах көрсүһүү буолбут. Бу туһунан СИА музей наукаҕа үлэһитэ Мария Корнилова иһитиннэрдэ.


Колледж  преподавателлэр  Мария Боппоенова, Михаил Винокуров  уонна Хотугу салаа кафедратын сэбиэдиссэйэ Оксана Сундупова  бу үөрэх кыһатын быйыл бүтэриэхтээх алта оҕону кытта кэлэн ыалдьыттаатылар. Кинилэри кытта көрсүһүүгэ Гуманитарнай чинчийэр институт Россия хотугулуу-илиҥҥи норуоттарын этнографиятын үөрэтэр сектор наукаҕа үлэһиттэрэ Сардаана Алексеева, Галина Варавина, музей дириэктэрэ Аиза Решетникова, Ольга Пахомова буолан кытынныбыт. Кэпсэтии сүрүн сыала устудьуоннар дипломнай үлэлэригэр талбыт тиэмэлэрин теория уонна практика өттүнэн арыйыыларыгар көмөлөһүүгэ уурулунна. Билиилэрин дириҥэтиэн баҕалаах оҕолор сүбэни-аманы сэргээн иһиттилэр. Гуманитарнай чинчийэр институт үлэһиттэрэ эбээннэр олохторун-дьаһахтарын, итэҕэллэрин, үлэлэрин-хамнастарын, ырыаларын-тойуктарын сэргиир, сэҥээрэр эдэр көлүөнэ үүнэн эрэриттэн үөрэллэр. Мунаахсыйар ыйытыыларыгар көмөлөһүөх буолан  ыччаты үөртүлэр. Маныаха үлэ-хамнас элбэх көрсүһүүнү, ирэ-хоро сэһэргэһиини эрэйэрин, ол барыта үптэн-харчыттан тутулуктанарын хайдах баарынан эттилэр. Онон Дьокуускайга олорор дэгиттэр талааннаах эбээн норуотун ааттын ааттатар Акулина Трайзены, Зинаида Никулинаны уо.д.а. көрсүөххүтүн сөп диэн сүбэлээтилэр, — диир кини.

Көрсүһүү түмүгүнэн устудьуоннар үүнэр сыл тохсуньу саҥатыттан олунньу бүтэһигэр диэри  музейга практикаларын барар буолбуттар. Бу кэмҥэ талан ылбыт тиэмэлэригэр музей үлэһиттэрин көмөлөһүннэрэн сценарий суруйарга, видеоэкспонат (видеонан уруок) оҥорорго, видеомемуар хомуйан музей фондатын хаҥатыһарга сүбэлэспиттэр.

Следите за самым важным и интересным в Telegram-канале и WhatsApp-группе ЯСИА