Саха сиригэр халаантан эмсэҕэлээбит биэс оройуон култууратын дьиэлэрин уонна мусуойдарын чөлүгэр түһэриини федеральнай үп суотугар ыытыахтара. Бу сыалга анаан региоҥҥа эбии 14 мөл тахса солкуобайы эбии биэриэхтэрэ, диэн ТАСС-ка өрөспүүбүлүкэ култуураҕа уонна духуобунай сайдыыга миниистирэ Юрий Куприянов иһитиннэрдэ.
“Арассыыйа бырабыыталыстыбатын саппаас фондатыттан үбү ылыыга үлэлэһэбит. Регион 14 мөл тахса солкуобайы култуура аҕыс эбийиэгин чөлүгэр түһэриигэ эбии ылыаҕа”, — диэтэ кини.
Миниистир этэринэн, алтынньы 15 күнүгэр Арассыыйа бырабыыталыстыбатын дьаһалын Үп министиэристибэтин кытта сөбүлэһиннэрбиттэр.
Көмөнү Уус Маайа уонна Таатта улуустарыгар баар эбийиэктэргэ ыытыахтара. “Аллараа Халыма оройуонугар “Йынэттэт” Чукоткатааҕы фольклор ансаамбылын чөлүгэр түһэриэхтэрэ. Орто Халыма уонна Үөһээ Халыма оройуоннарыгар култуура дьиэлэрин сөхсүтүөхтэрэ”, — диэтэ миниистир.
This post was published on 24.10.2018 16:49 16:49