Саха сиригэр куйаас күннэр төннүөхтэрэ дуо, атырдьах ыйыгар күн-дьыл туруга хайдах буолуой, ЯСИА-ҕа УГМС салайааччытын солбуйааччыта — Гидрометкиин начаалынньыга Татьяна Маршалик кэпсээтэ.
«Саамай куйаас күн от ыйын 22 күнүгэр буолбута, Дьокуускайга +32,4 кыраадыс итийбитэ. Бу нэдиэлэ бүтүүтэ киин куоракка +20… +22 кыраадыс. Мантан куйаас күн буолбат», — диэтэ Татьяна Маршалик.
Барыллаан борогунуоһунан, атырдьах ыйыгар орто температура Саха сирин үгүс өттүгэр нуормаҕа тэҥ.
«Итии да, тымныы да буолбатах. Аномальнай туох да суох. Хас биирдии оройуон бэйэтэ нуормалаах: киин улуустарга +15 кыраадыс, арҕааларга +14, хотуларга +10», — диэтэ эксперт.
This post was published on 08.08.2025 11:57 11:57