Булка уларыйыылар киирэллэрин булчуттар куруук сэргииллэр. Ол туһунан Саха сирэ саайт суруйда.
Быйылгы 2024 сылга куһу уонна хааһы бултааһыны тус-туспа болдьоххо араарар туһунан бирикээс тахсаары бэлэмнэнэр.
Ол туһунан эрэдээксийэҕэ СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Булт уонна ураты харыстанар сирдэр департаменын сүрүн исписэлииһэ Анатолий Попов маннык хоруйдаата:
— Биһиги урукку өттүгэр хааска 3 күн, куска 7 күн бултуурга диэн араарар этибит. Булт быраабылатыгар иллэрээ сыл уларыйыы киирэн, оннук араарарбыт табыллыбат буолан, барытын биир кэлим онорбуппут.
Быйыл сана Булт быраабылатыгар уларытыы киллэрэр бирикээс бырайыагын быhыытынан Саха сиригэр хаас уонна кус болдьоҕун тус-туспа болдьохтуур туһунан олохтонуохтаах.
Бирикээс олоххо киирэ илик.
This post was published on 02.02.2024 13:04 13:04