Саха сиригэр Өксөкүлээх Өлөксөй төрөөбүтэ 150 сылын көрсөр тэрээһиннэргэ бэлэмнэнии саҕаланна.
Ил Дархан Айсен Николаев ыйааҕынан, 2023-2027 сылларга Алексей Елисеевич Кулаковскай — Өксөкүлээх Өлөксөй төрөөбүтэ 150 сылыгар бэлэмнэниигэ ананар. 2027 сылга өрөспүүбүлүкэ саха литературатын төрүттээччи, уопсастыбаннай диэйэтэл 150 сылын бэлиэтиэҕэ.
СӨ бырабыыталыстыбатын бэрэссэдээтэлин солбуйааччыта Сергей Местников 2027 сыллааҕы үбүлүөйдээх тэрээһиннэргэ бэлэмнэнии былаанын көрдө.
Бырайыакка тэрээһиннэр үс таһымҥа арахсаллар: норуоттар ардыларынааҕы, дойдутааҕы уонна өрөспүүбүлүкэтээҕи суолталаах.
Суруйааччы айымньыларынан 9 томнаах хомуурунньук тахсыаҕа. Ону тэҥэ, куйаар ситимигэр нууччалыы, сахалыы, аҕыйах ахсааннаах хотугу норуоттар тылларынан электроннай көрүҥэ оҥоһуллуоҕа. Маны таһынан, научнай уус-уран киинэ уһуллуохтаах, суруйда @nvk_sakha
This post was published on 13.04.2023 09:01 09:01