Үгэскэ кубулуйбут Кремль дыбарыаһыгар Саҥа дьыллааҕы Харыйа быйыл коронавируһунан сибээстээн утары олорон көрөөччүтэ суох ыытыллыаҕа. Агентство «Москва» Москватааҕы профсоюзтар федерацияларын пресс-сулууспатыгар сигэнэн суруйар.
«Карусель» телеханаал онлайн-трансляцияны тэрийэр. «Саҥа дьыллааҕы остуоруйаны сүүһүнэн тыһыынча эрэ оҕо буолбакка, мөлүйүөнүнэн оҕо көрүөҕэ — киин тэлэбиидэнньэ ханаалларынан уонна интернетинэн көстүөҕэ», – диэтэ Москватааҕы профсоюзтар федерацияларын бэрэссэдээтэлэ Михаил Антонцев.
Алыптаах түгэн сюжета кинигэҕэ уонна гаджетка ананыаҕа. Анал эффектэр уонна графика туттуллуоҕа. Политехническай музей интерьерын 3D-графикаҕа көрдөрүллүөҕэ.
Тэрээһин аата — «Пятое время года, или Кто придумал Новый год». Антонцев бэлиэтээбитинэн, оҕолор Италияҕа «Возрождение» эпохатыгар, петровскайдааҕы Россияҕа күүлэйдиэхтэрэ. Кини этэринэн, Кремль Харыйата үгэс уонна инновация сибээһигэр ананыаҕа.
«Сүрүн лейтмотив: кинигэни кытта үлэлиири сатыахтаахпыт, кинилэр антипод буолбатахтар, аныгы девайстар уонна гаджеттар партнердара буолаллар. Тиэмэ олус аныгылыы, онон «Кремль Харыйата — 2021» оҕо сааһыттан тутулуга суох интэриэһинэй буолуоҕа», – Антонцев эттэ.
This post was published on 10.11.2020 12:03 12:03