Тохсунньу 25 күнүгэр Красноярскайга көҥүл тустууга үгэскэ кубулуйбут норуоттар ардыларынааҕы Иван Ярыгин Кубога стартаата. Саха сирин тустууктара көбүөргэ тахсыахтара, суруйар ЯСИА.
Көбүөргэ 57, 61, 70 киилэҕэ диэри эр дьон, маны сэргэ 50, 55, 59 уонна 65 киилэҕэ диэри дьахталлар тахсыахтара.
Конкуренция быйыл күүстээх, былырыыҥҥыга тэҥнээтэххэ. Бүгүн финалистар быһаарыллаллар.
57 киилэҕэ диэри Александр Авелов, Любомир Ашеин, Уйгулаан Иванов, Лев Павлов, Фёдор Постников, Артём Слепцов уонна Арыйан Тютрин тахсаллар.
61 киилэҕэ диэри — Юлиан Григорьев, Пётр Константинов, Андрей Мидловец уонна Андрей Бекренёв.
70 киилэҕэ диэри Владимир Бояновский, Константин Капрынов, Айсен Потапов уонна Олег Фомин киирсиэхтэрэ.
Мэтээли былырыыҥҥы курдук дьахталлар эмиэ ылыахтарын сөп. Александра Карамзина, Александра Копылова (50 кг), Севиль Назарова (55 кг), Светлана Васильева уонна Евгения Огородникова (59 кг) туруулаһаллар.
