Кулун тутар 19-20 күннэригэр Краснодар куоратыгар «Дубрава» комплекска спортинг-компакт көрүҥҥэ бастыыр иһин Россия Кубогын I этээбэ буолан ааста.
Манна «А» категорияҕа 186 очукуолаах Айаал Макаров чөмпүйүөн, 182 очукуолаах Артур Николаев иккис миэстэ буолары ситистилэр. Кинилэри сэргэ «С» категорияҕа Спартак Петров 167 очукуону хомуйан, чөмпүйүөн үрдүк аатын сүктэ.
Хамаанданан түмүккэ Саха сирин хамаандата — Айаал Макаров, Артур Николаев, Евгений Шишигин — 17 хамаанданы кэннилэригэр хаалларан, кыайыы өрөгөйүн биллилэр. Оттон бэтэрээннэргэ Николай Еттянов, Василий Алексеев Саха сирин эрэллээхтик көмүскээтилэр.
This post was published on 21.03.2016 10:17 10:17