Доруобуйа харыстабылын министиэристибэтэ өрөспүүбүлүкэ үрдүнэн коронавируһунан ыалдьыбыттарга 1700-тэн тахса куойканы бэлэмнээтэ. Итинтэн 900-һэ Дьокуускайга. Бу туһунан министиэристибэ пресс-сулууспата иһитиннэрэр.
200 куойка миэстэлээх үс стационары ааспыт нэдиэлэҕэ Дьокуускайга тэрийдилэр.
Ыарыыны баарын-суоҕун быһаарар лабораториялар сууккаҕа 4000-тан тахса анаалыһы оҥороллор. Роспотребнадзор икки лабораториятын таһынан чинчийии өрөспүүбүлүкэ 11 мэдиссиинискэй тэрилтэлэригэр ыытыллар. Эбии ПЦР лабораториялара ХИФУ мэдиссиинэ институтугар итиэннэ «Фтизиатрия» киинигэр үлэлииллэр.
This post was published on 05.10.2020 11:01 11:01