Коронавирустан вакциналаммыт Саха сирин олохтоохторугар чэпчэтиилэр көрүллүөхтэрэ. Ол туһунан Ил Дархан Айсен Николаев «Тэтим» араадьыйанан, НКИК «Саха» уонна «Якутия 24» ханаалларынан эттэ, суруйар СИА.
«Мин санаабар, вакцина ылыыта — бу эппиэтинэс, киһилии быһыы. Онон эппиэтинэстээх дьону көҕүлүүр сиэрдээх дии саныыбын. Этии киирэр, ордук бизнестан, предпринимателлэртэн. Кинилэр хааччаҕа суох олоххо үлэлиэхтэрин баҕараллар. Мин бүгүн бырабыыталыстыбаҕа, муниципалитеттар баһылыктарыгар вакциналаммыт дьону биһириир эбии миэрэлэргэ этиилэри оҥороллоругар биир нэдиэлэ биэрэбин. Бу лотереялары, сыаналаах бириистэри оонньотуу, коммунальнай, транспортнай өҥөлөргө, театрдарга, киинэлэргэ, спортсаалаларга сылдьыыга чэпчэтиилэр буолуохтарын сөп уонна да атын преференциялар», — диэтэ Айсен Николаев.
This post was published on 18.06.2021 11:01 11:01