Саха сиригэр ааспыт сууккаҕа 50 киһи ыарыйда, 173 үтүөрдэ, икки киһи өллө.
41 — Дьокуускайга, 5 — Мииринэй оройуонугар, иккилии — Амма уонна Нерюнгри оройуоннарыгар, биирдии — Ньурба уонна Чурапчы улуустарыгар. Ыалдьыбыт дьон балыыһаҕа киирдилэр, алтыспыттара быһаарылыннылар, изоляцияланнылар.
Дьаҥ тарҕаныаҕыттан 4365 киһи коронавирустаата, ол иһигэр 3433 (78,6%) — Дьокуускайга.
173 киһи ааспыт сууккаҕа үтүөрэн балыыһаттан таҕыста: 140 — Дьокуускайга, 8 — Алдаҥҥа, 6 — Ленскэйгэ, түөртүү — Үөһээ Бүлүү уонна Бүлүү улуустарыгар, үстүү — Намҥа уонна Нерюнгрига, иккилии — Мииринэйгэ уонна Хаҥаласка, 1 — Аммаҕа.
Икки киһи олохтон туораата, 65-тэн үөһэ саастаахтар, дьарҕа ыарыылаахтар.
31 киһи ыарахан туруктаах.
Лабораторияларга ааспыт сууккаҕа 2677 тест оҥоһулунна, барыта — 233 083 тест.
От ыйын 3 күнэ:
Коронавирустаата — 4365 (+50)
Үтүөрдэ — 3847 (+173)
Суорума суолланна – 40 (+2)
