Ааспыт сууккаҕа өрөспүүбүлүкэҕэ эбии 44 киһи коронавируһунан ыарыйда. Бу туһунан COVID-19 тарҕаныытын бохсор өрөспүүбүлүкэтээҕи суһал ыстаап иһитиннэрэр.
Мантан 35 – Дьокуускайга, 5 – Хаҥаласка, икки – Ленскэйгэ, биирдии киһи Дьааҥы, Нам улуустарыгар ыарыйдылар. Ыалдьыбыттар балыыһаҕа киирдилэр, алтыспыттара билилиннилэр, туспа тутулуннулар. Ааспыт сууккаҕа 85 киһи үтүөрдэ. Биир киһи олохтон туораата.
Суукка иһигэр лабораторияларга 1 519 тест оҥоһулунна, пандемия саҕаланыаҕыттан барыта — 276 906.
This post was published on 21.07.2020 11:05 11:05