Ааспыт сууккаҕа өрөспүүбүлүкэҕэ эбии 58 киһи коронавируһунан ыарыйда. Бу туһунан COVID-19 тарҕаныытын бохсор өрөспүүбүлүкэтээҕи суһал ыстаап иһитиннэрэр.
Мантан 41 – Дьокуускайга, 7 – Мэҥэ-Хаҥаласка, 4 – Алдан, 2 – Чурапчы, биирдии киһи Булуҥ, Ленскэй, Нерюнгри, Хаҥалас улуустарыгар ыарыйдылар. Ыалдьыбыттар балыыһаҕа киирдилэр, алтыспыттара билилиннилэр, туспа тутулуннулар. 108 киһи үтүөрдэ.
Лабораторияларга 3 067 тест оҥоһулунна, пандемия саҕаланыаҕыттан барыта — 264 751.
This post was published on 16.07.2020 11:17 11:17