Коронавирус. Эбии 221 киһи ыарыйда. Сэтинньи 18 күнэ

Өрөспүүбүлүкэтээҕи суһал штаб сэтинньи 18 күнүнээҕи иһитиннэриитинэн, Саха сиригэр эбии 221 киһи COVID-19 ыарыыга сутулунна.

Дьокуускайга — 124 саҥа бэлиэтээһин оҥоһулунна, диэн штаб салайааччытын солбуйааччы Ольга Балабкина күннээҕи брифиҥҥэ эттэ.

• Мииринэйгэ — 10;
• Бүлүүгэ – 9;
• Алдан, Нам, Өлөөн улуустарыгар — сэттэлии киһи;
• Амма, Нерюнгри — алталыы;
• Таатта – 5;
• Үөһээ Бүлүү, Мэҥэ-Хаҥалас — түөртүү;
• Ньурба, Сунтаар, Уус-Алдан, Чурапчы — үстүү;
• Аллайыаха, Анаабыр, Дьааҥы, Горнай, Эдьигээн, Кэбээйи, Ленскэй, Өлүөхүмэ — иккилии;
• Өймөкөөн, Томпо, Усуйаана, Хаҥалас — биирдии.

Роспотребнадзор управлениетын көрдөрүүтүнэн, үс киһи олохтон туораата, 6 284  анаалыс оҥоһулунна. Пандемия саҕаланыаҕыттан барыта 731 409 тест оҥоһуллубут.