15 От ыйа 15.07
  • 19°
  • $ 87,74
  • 95,76

Коронавирус. Бэс ыйын 19 күнэ. Суһал штаб иһитиннэриитэ

Читайте нас на
Яндекс Новости
ЯДВ

Саха сиригэр ааспыт сууккаҕа эбии 97 киһи коронавирустаата, 89 ыарыһах үтүөрдэ, өрөспүүбүлүкэтээҕи суһал штаб иһитиннэрдэ.


68 — Дьокуускайга, 8 — Нам уонна 6 — Мэҥэ Хаҥалас улуустарыгар, 5 — Нерюнгри оройуонугар, 3 — Хаҥаласка, иккилии — Таатта, Ленскэй, Алдан оройуоннарыгар, 1 — Уус-Алдаҥҥа. Ыалдьыбыт дьон балыыһаҕа киирдилэр, алтыспыттара билилиннилэр, изоляцияланнылар.

Ааспыт сууккаҕа 89 киһи үтүөрдэ.
Өрөспүүбүлүкэ вице-премьера Ольга Балабкина брифиҥҥэ эппитинэн, Нерюнгри оройуонугар сорох түбэлтэлэр дьиэ кэргэн иһигэр эбэтэр корпоративнайдар. «Тута
бастакы ыалдьыбыт киһини быһаарыллар. Нерюнгрига санитарнай-эпидемиологическай тэрээһин толору ыытыллар, инфекцияны бохсор туһугар. Киин балыыһа кылаабынай бырааһын кытта ыарыһахтар туруктарын туһунан куруук биллэрэ олороллоругар этилиннэ», — диэтэ кини.
Хаҥалас улууһугар вирус Мохсоҕоллоох диэки хайысхаланна. Ыалдьыбыттары кытта алтыспыттар билиннилэр, үлэ барар.
Алдан оройуонугар сир баайын хостуур тэрилтэ үлэһиттэригэр ыалдьыбыт дьон баара билиннэ. Ыалдьыбыттар тута биллибиттэрэ. Маннык курдук балаһыанньа Ленскэй оройуонугар — пациеннар провизорнай отделениеҕа сыппыттар.

Таатта, Уус Алдан, Мэҥэ Хаҥалас уонна Нам улуустарыгар — вирус сайыҥҥы каникулга тиийбит оҕолорунан тарҕанарын Ольга Балабкина эттэ.

Следите за самым важным и интересным в Telegram-канале и WhatsApp-группе ЯСИА
Тутаах тыллар