18 Ыам ыйа 18.05
  • -7°
  • $ 104,68
  • 115,6

Коронавирус. Бэс ыйын 18 күнэ. Суһал штаб биллэриитэ

Саха сиригэр ааспыт сууккаҕа эбии 99 киһи коронавирустаата, 108 ыарыһах үтүөрдэ, биир суорума суолланна, өрөспүүбүлүкэтээҕи суһал штаб иһитиннэрдэ.


74 — Дьокуускайга, биэстии — Нам уонна Нерюнгри оройуоннарыгар, түөртүү — Мэҥэ Хаҥалас уонна Мииринэй оройуоннарыгар, 3 — Алдаҥҥа, 2 — Горнай улууһугар, биирдии — Сунтаар уонна Таатта улуустарыгар. Ыалдьыбыт дьон балыыһаҕа киирдилэр, алтыспыттара билилиннилэр, изоляцияланнылар.

108 киһи үтүөрдэ, ол иһигэр Дьокуускайга — 79, уон киһи Мэҥэ Хаҥалас улууһугар, биэстии — Нам уонна Мииринэй оройуоннарыгар, 4 — Горнайга, иккилии киһи Ленскэй уонна Нерюнгри балыыһаларыттан таҕыстылар, биир ыарыһах Өймөкөөҥҥө үтүөрдэ.
Ааспыт сууккаҕа биир киһи суорума суолланна, билигин 26 киһи ыарахан туруктаах.
Лабораторияларга 3374 тест оҥоһулунна.
Бэс ыйын 18 күнэ:
Коронавирустаата — 3389 (+99)
Үтүөрдэ — 2197 (+108)
Суорума суолланна – 24 (+1)
Следите за самым важным и интересным в Telegram-канале и WhatsApp-группе ЯСИА
0
0
Тутаах тыллар