РФ субъектарын Конституционнай сууттара 2023 сыл тохсунньу 1 күнүгэр диэри суох буолуохтара. Ол эрэн эрэгийиэн конституционнай сэбиэти парламент иһинэн тэриниэн сөп буолуо. Бу туһунан сокуон барыла иккис ааҕыыга бэлэмин ТАСС суруйар.
Дойду бэрэсидьиэнэ Владимир Путин киллэрбит сокуонун барыла алтынньы 21 күнүгэр бастакы ааҕыыны ааспыт.
Конституционнай (устаабынай) сууттар 2023 сыл тохсунньу 1 күнүгэр диэри суох буолалларын туһунан көннөрүүнү иккис ааҕыыга Госдума государственнай тутул уонна сокуону таһаарар кэмитиэтэ киллэрбит. Маны тэҥэ «О судебной системе Российской Федерации» сокуоҥҥа 27-с ыстатыйа, РФ субъектарын конституционнай сууттарыгар анаммыт ыстатыйа, 2023 эмиэ суох буоларын туһунан этиллэр.
Эрэгийиэн парламент иһинэн конституционнай сэбиэти тэриниэн сөбүн туһунан этиини дьокутааттар Павел Крашенинников уонна Андрей Клишас киллэрбиттэр.
This post was published on 17.11.2020 11:07 11:07