28 Тохсунньу 28.01
  • -48°
  • $ 73,82
  • 83,32

Константин Цицин: Саха сирэ дьону эргэ дьиэлэртэн көһөрүү бырагырааматыгар ылыммыт соругун толороругар кэм-кэрдии өссө да баар

10:19, 01 августа 2016
Текст:

Россияҕа ДьКХ эйгэтин реформалааһыҥҥа көмөлөһөр фонда генеральнай дириэктэрэ Константин Цицин өрөспүүбүлүкэҕэ дьону эргэ дьиэлэртэн көһөрүү бырагырааматын туолуута хаалан иһэрэ оробуочай быһыы-майгы буоларын эттэ.


«Ирдэниллэр көрдөрүүлэри ситиһэргэ бириэмэ өссө да баар. Саха сиригэр 2008 сылтан ыла 20 тыһ. кэриҥэ киһи саҥа дьиэлэргэ көспүт. Бу – сыалай куорат. Өрөспүүбүлүкэ элбэх эргэ дьиэлэрдээх тоҕус регион ахсааныгар киирэр. Ити үлэни былаанныырга, бэдэрээччиттэрэ тардарга кыһалҕаны үөскэтэрэ чахчы. Биһиги өрөспүүбүлүкэ баһылыгын уонна бырабыыталыстыбатын кытта саамай тыҥаан турар кыһалҕалары дьүүллэһиэхпит. 2017 сыл балаҕан ыйын 1 күнүгэр 30 тыһ. киһи эргэ дьиэлэртэн саҥаларга көһүөхтээхтэр», — диэтэ Константин Цицин.

Бырагыраама туолуутун хонтуруоллуур сыаллаах-соруктаах холбуу биир оробуочай бөлөҕү тэрийэр туһунан кини эрдэ этэн турардаах. Ити 2017 сыл балаҕан ыйын 1 күнүгэр диэри өрөспүүбүлүкэ 500 тыһ. кв. м олорор дьиэни тутарга уонна онно 30 тыһ. киһини көһөрөргө ылыммыт эбэһээтэлистибэтин толороругар туһуланар.

0
0
28 января 28.01
  • -48°
  • $ 73,82
  • 83,32