19 Тохсунньу 19.01
  • -48°
  • $ 73,82
  • 83,32

Колумбия продюсера Мигель Дарио Мелодиаз - Майатааҕы норуот айымньытын дьиэтин «Снежные узоры Якутии” тэрээһинигэр

11:51, 06 апреля 2016

ССРС норуотун артыыһа Дмитрий Ходулов аатын сүгэр Майатааҕы норуот айымньытын дьиэтэ күннэтэ бииртэн биир, бастыҥтан бастыҥ тэрээһиннэри үрдүк таһымнаахтык ыытар. Норуот айымньытын дьиэтэ ааспыт ый ортото норуотар икки ардыларынааҕы «Снежные узоры Якутии” уонна муода түһүлгэлэрин төрүттээһинэ быйылгы үлэтин кэмигэр биир ураты уонна чаҕылхай миэстэни ылла.


Алмаас кырыытыгар холонор киһи дьоҕурун, талаанын дьон-сэргэ болҕомтотун үөһүгэр туруорар улахан фестивальга Сахабыт сирин 18 улууһуттан уопсайа 680 кыттаччы мустан, үҥкүү, муода оройун көҕүлүттэн туттулар. Продюсер, хореограф Мигель Дарио Мелодиаз, «Текиндама” фольклорнай үҥкүү ансамбылын генеральнай директора, Колумбия Богота куораттан кэлэн тэрээһин дьүүллүүр сүбэтин иилээн-саҕалаан үлэлээтэ.

аколумб

Талааны сыаналааһыны, ырытыыны таһынан «Текиндама” фольклорнай ансамбль үҥкүүлэрин көрдөрдүлэр уонна маастар-кылааһы ыыттылар.

аколумб0

Норуоттар икки ардыларынааҕы улахан фестиваль сүрүн тэрийээччитэ Сибиир, Уһук Илин култуураларын сайыннарар фонда президенэ Александра Борисова кэлэн үҥкүү, муода түһүлгэтин олохтооһуҥҥа көхтөөхтүк кытынна. Фестиваль муҥутуур кыайыылаахтарыгар — Гран-При хаһаайыттарыгар, лауреаттарыгар анаан ансамбыллар сайдалларыгар евро-ваучер дипломун туттаран, кыттааччылар сүргэлэрин көтөхтө, санааларын кынаттаата.

аколумб2

Фестивальга кыайыы көтөллөннүлэр: Оскуола иннинээҕи саастаах оҕолорго Ньурба улууһун Малдьаҕар нэһилиэгин «Чуораанчык» оҕо садын «Ай-тик» бөлөҕө (уус-уран салайааччы Л.Слепцова, Л.Алексеева, А.Кириллина), Дьокуускай куорат “Кэнчээри” оҕо садын «Күндү» студията (салайааччылар З.Иванова, К.Варламова, Е.Абрамова), кыра саастаах оҕолорого Мэҥэ Хаҥалас суола-Моорук «Узор» (салайааччы Т. Егорова), орто бөлөххө Бүлүү Чинэкэтин «Долун» (салайааччы Л.Прокопьева), улахан бөлөххө Горнай улууһун Кэптин сэлиэнньэтин «Уран» (салайааччы Т. Лукавина, М.Чемезова), улахан бөлөххө Мэҥэ Хаҥалам Майа «Толбон» үҥкүү коллектива (салайааччылар Л. Артемьева, Н. Борисов). Маны таһынан лауреаттар ааттаннылар.

аколумб4

0
0
19 января 19.01
  • -48°
  • $ 73,82
  • 83,32