23 От ыйа 23.07
  • 20°
  • $ 87,78
  • 95,76

Колледж устудьуоннарын бизнескэ үөрэтэллэр

14:01, 07 ноября 2016
Текст:
Читайте нас на
Яндекс Новости
ЯДВ

И.И.Фадеев аатынан Дьокуускайдааҕы үп-харчы-экономика колледжа предпринимателлэри кытта ыкса ситимнээхтик үлэлиир. Ити түмүгэр устудьуоннар бизес эйгэтигэр элбэҕи билэллэр. Ити туһунан тэрилтэ пресс-киинэ иһитиннэрэр.


Кэтэх предприниматель Семен Посельскай устудьуоннарга анаан предпринимательствоҕа уонна менеджмеҥҥэ куруһуок ыытар. Саҕалааһын усудьуоннар ортолоругар улахан сэҥээриини ылла. «Бизнескэ саамай сүрүнэ нолуок, о.д.а. сокуоннары билии. Сокуону билэр буоллахха, бизнеһи табыгастаахтык оҥоруохха сөп. Онон биһиги нуорма-быраап акталарын, сокуоннары үөрэтиэхпит. Ону таһынан нолуок инспекциятыгар, о.д.а. хонтуруолуур уорганнарга сылдьыахпыт», — диир Семен Посельскай.

«Оҕолор куруһуоктарын үөрүүнэн салайабын, манна бэйэм эмиэ үөрэнэбин», — диир кини.

Семен колледж дьаһалтатын кытта «Саха медиум старт» идеятын оҥорбут. Сэтинньи 3 күнүгэр бу бырайыак саҕаламмыт.

«Биһиги биэс хамаандалаахпыт. Икки чаас уһуннаах толкуйдааһын кэнниттэн устудьуоннар бэйэлэрин бизнес-бырайыактарын көмүскүөхтээхтэр. Кинилэр бэйэлэрин санааларын туруулаһалларын туһугар жюри чилиэннэрэ ыйытыктары биэриэхтэрэ. Хамаанда үлэтэ оҕолор үөрүйэхтэрин, сатабылларын түмэр соруктаах», — диэтэ колледж дириэктэрэ Виктория Захарова.

Следите за самым важным и интересным в Telegram-канале и WhatsApp-группе ЯСИА