«Госкомобеспечение» тэрилтэ бэрэссэдээтэлэ Дмитрий Лепчиков уонна Россия президенигэр Саха сирин бастайааннай бэрэстэбиитэлин бастакы солбуйааччыта Александр Сафронов Донецкай Народнай Өрөспүүбүлүкэ Кировское куоратын оҕолоругар Саха сириттэн саҥа дьыллааҕы бэлэхтэри биэрдилэр.
«Өрөспүүбүлүкэ байыаннайдарга эрэ көмөнү тириэрдибэт, Кировское куорат чөлүгэр түһэригэр эмиэ элбэх үлэни ыытар. Шефтээх куораппыт кыра олохтоохторугар Саҥа дьылынан эҕэрдэ ыыттыбыт, кинилэргэ Саха сирин олохтоохторуттан бэлэхтэри тиксэрэбит», — диэтэ Дмитрий Лепчиков.
Саха сирин олохтоохторо Кировскоеҕа эйэлээх олох салҕанарыгар кылааттарын киллэрэллэр. Оскуолалар, балыыһа, элбэх кыбартыыралаах дьиэлэр, ОДьКХ эбийиэктэрэ оҥоһуллаллар. Былааннаммыт үлэ толору туолла. Кэлэр сылга дьыссааттар, олорор дьиэ пуондата, стадион саҥардыллыахтара.
