24 От ыйа 24.07
  • 28°
  • $ 87,3
  • 95,46

Кириэстээх нэһилиэгэр билии күнүгэр таас оскуола сыбаайата түстэ

08:22, 03 сентября 2018
Текст:
Читайте нас на
Яндекс Новости
ЯДВ

Сунтаар улууһун оскуолалара үөрэнээччилэригэр ааннарын астылар. 2018-2019 үөрэх дьылыгар 428 оҕо бастакы кылааска киирдэ. 

Кириэстээх нэһилиэгэр Билии күнүн сэргэ 120 миэстэлээх таас оскуола көмүс сыбаайата түһэн дьон-сэргэ үөрүүтүн үксэттэ. Оскуола бастакы сыбаайатын, пааспарын лиэнтэтин үөрүүлээх быһыыга-майгыга Сунтаар улууһун баһылыга Анатолий Григорьев, улуустааҕы үөрэх управлениетын начаалынньыга Гаврил Еремеев, «Биир Ньыгыл Арассыыйа» баартыйа исполкомун салайааччыта Борис Уларов, Кириэстээх нэһилиэгин баһылыга Александр Григорьев, И.Г. Спиридонов аатынан Кириэстээх орто оскуолатын дириэктэрэ Павел Васильев астылар.

Анатолий Васильевич бу үөрүүлээх күҥҥэ Кириэстээх орто оскуолатын бастакытын атыллаабыт 14 кырачааҥҥа улуус дьаһалтатын аатыттан сэмэй бэлэхтэри туттарда.

Сунтаар улууһун бүддьүөтүттэн үбүлэнэр 120 миэстэлээх, икки мэндиэмэннээх таас оскуола тутуутун «Меркурий» ХЭТ бэдэрээтчик быһыытынан саҕалаата. Олохтоохтор 2020 с. оскуола 120 сылын саҥа оскуолаҕа бэлиэтиэхпит диэн эрэл санаалаахтар.

Следите за самым важным и интересным в Telegram-канале и WhatsApp-группе ЯСИА