19 От ыйа 19.07
  • 18°
  • $ 87,88
  • 96,1

Кириэс Халдьаайыга Кыайыы мемориалын өрөмүөннүүллэр

17:01, 15 августа 2016
Читайте нас на
Яндекс Новости
ЯДВ

Томпо улууһун Кириэс Халдьаайы сэлиэнньэтигэр Аҕа дойду Улуу сэриитигэр кыттыбыт буойуннарга анаан тутуллубут Кыайыы мемориалын өрөмүөннүүллэр.


Бу мемориал кыраайы үөрэтэр музей аттыгар Кыайыы 50 сылыгар анаан 1995 сыллаахха тутуллубута. Оччолорго Байаҕантай нэһилиэгин баһылыга Николай Ефимов уонна улуус архитектора Дмитрий Мондоев кыттыһан эскииһин оҥорбуттара, олохтоохтор бэйэлэрэ туппуттара. Иннигэр Томпо оройуонуттан Аҕа дойду сэриититтэн төннөн кэлбиттэр ааттара билиитэлэргэ кутуллан ыйаммыттара, онтон сэрии толоонугар охтубуттар уонна сураҕа суох сүппүттэр испииһэктээх эркиннэрэ дизайн быһыытынан биир кэлим эркинтэн арахсан сууллан эрэр курдук оҥоһуллубуттара. Комплекс кэлин өттүгэр саха саллааттара уоттаах сэриигэ кыргыһа сылдьаллара көрдөрүллүбүтэ.

Комплекс оҥоһуллубуттан 25 сыл ааста, кэнники мемориалы ситэрэн-хоторон биэрбиттэрэ. Быйыл харчы көстөн өрөмүөннүү сылдьаллар. Туордаһыыны олохтоох урбаанньыт Родион Горохов кыайыт. 3 киһилээх биригээдэҕэ ини-бии Василий уонна Юрий Габышевтар, Дмитрий Максимов бааллар.

Юрий Габышев: «Атырдьах ыйын саҕаланыытыттан ыла үлэлиибит, бу ыйга бүтэриэхтээхпит. Цемент, кырааска эҥин ылбыппыт. Сэрии кыттыылаахтарын испииһэктэрэ кутуллубут билиитэлэри уһуллубут, кэннэки төттөрү ыйыахпыт. Эргэ киэргэл билиитэлэри быраҕабыт. Дизайына уларыйар. Иннин истиэнэлэрин саҥаттан сыбаатыбыт, фасаднай штукатурканан бүрүйэ сылдьабыт, онтон кэннин кырааскалыахпыт. Аллараа өттүгэр керамо-гранит билиитэлэри ууруохпут, үрдүнэн уу-хаар түспэтин диэн кыра сабыы оҥоруохпут».

Следите за самым важным и интересным в Telegram-канале и WhatsApp-группе ЯСИА