16 От ыйа 16.07
  • 25°
  • $ 87,81
  • 95,78

Кириэс Халдьаайыга эдэр исписэлиистэргэ анаан дьиэ туталлар

16:32, 01 июля 2016
Читайте нас на
Яндекс Новости
ЯДВ

Кириэс Халдьаайыга эдэр исписэлиистэргэ анаан түөрт квартиралаах толору хаачыллыылаах дьиэ тутан бүтэрэн эрэллэр.


Тыа сиригэр үлэлии кэлэр эдэр специалистар биир сүрүн кыһалҕаларынан дьиэнэн хааччыллыы буолар. Кириэс Халдьаайыга эмиэ оннук кыһалҕа баарын болҕомтоҕо ылан былырыын үтүө дьыала чэрчитинэн тутуу саҕаламмыта. Саха сиринээҕи «Мин Сахам сирэ ХХI үйэҕэ» тэрилтэ үс мөлүйүөн солкуобайы, Байаҕантай нэһилиэгин дьаһалтата утары үбүлээһиҥҥэ биир мөлүйүөн солкуобайы укпуттара.

Туордаһыыны кыайбыт Чурапчы улууһун «Спецсакаас» хааччахтаммыт эбээһинэстээх тэрилтэтин алта киһилээх биригээдэтэ дьиэ көҥдөйүн, кырыыһатын туппута, түүнүктэри туруорбута. Быйыл сайын биригэдьиир Тимофей Алексеев салалтатынан Эдуард Тимофеев, Виталий Федоров уонна Станислав Закиров кэлэн икки хостоох квартираларга быыс эркиннэри туттулар, муостаны линолеумнаатылар, суунар хоско кафель уурдулар, кырааскалаатылар, уу, уот, канализация ситимнэрин тартылар, сантехниканы туруордулар. Кыра террасалары туттулар.

Байаҕантай нэһилиэгин баһылыга Яков Степанов:

Быйыл тутууну ситэрэргэ улуус дьаһалтата (баһылык Георгий Герасимов) биир мөлүйүөн солкуобайы биэрбитэ. Дьиэҕэ киириэн баҕалаахтар көрдөһүү суруктарын киллэрбиттэрэ. Учууталлар, уһуйааннар иитээччилэрэ, бэтэринээрдэр эҥин бааллар. Анал хамыыһыйа ким киирэрин быһаарыа. Квартираларга оҕолоох эдэр ыаллар уонна иккилии-үстүү киһи олорор кыахтаахтар. Уотун, коммунальнай өҥөтүн эрэ төлүөхтэрэ. Дуогабар быһыытынан үстүү сыл олоруохтара, ол кэнниттэн тахсан биэриэхтээхтэр. Ким эмэ ыал буолан олохсуйа хаалар түгэнигэр ханнык эмэ программанан дьиэ туттарыгар көмөлөһүөхпүт.

Следите за самым важным и интересным в Telegram-канале и WhatsApp-группе ЯСИА