21 От ыйа 21.07
  • 28°
  • $ 88,02
  • 96,04

Ким урутаабыт, ол атах таҥастаах: Саха сирин олохтоохторугар субсидиялаах авиабилиэт тоҕо тиийбэтэ?

10:19, 11 апреля 2018
Текст:
Читайте нас на
Яндекс Новости
ЯДВ

Быйыл Уһук Илинтэн дойду Европатааҕы чааһыгар көтүүгэ чэпчэтиилээх авиабилиэттэри түргэнник бүтэрдилэр. Маннык балаһыанньа тоҕо үөскээбитин СИА быһаарыста.


Субсидиялаах авиабилиэт бырагыраамата Россияҕа үс хайысханан үлэлиир: Уһук Илин, Крым уонна Калининград.

2017 с. федеральнай бүддьүөттэн 4,2 млрд солкуобайы биэрбиттэр, оттон пассажирдар ахсааннара 200 тыһыынчанан аҕыйаабыт.

“Аэрофлот” билиэттэри атыылааһыны бастакынан тохтоппута – биэс эрэ хонук атыылаан баран. Салгыы “Якутия” авиахампаанньа, “Уральские авиалинии”, “Икар”, “ЮТейр” атыылааһыны тохтоппуттара.

Өссө кулун тутар ыйга Владивостокка ыытыллыбыт мунньахха Ил Дархаммыт Егор Борисов Уһук Илиҥҥэ авиабилиэккэ субсидия 2,863 млрд. солкуобай аччаабытын кириитикэлээбитэ.

Билигин түөрт бырагыраама үлэлиир, уонна 2018 с. Уһук Илинтэн авиатиэйиигэ субсидиялааһыҥҥа үп илимиитин 40 % тиийэ кэриҥин аччаттылар. Владивостокка буолбут мунньах кэнниттэн боломуочуйалаах бэрэстэбиитэл Юрий Трутнев Тырааныспар уонна Үп министиэристибэлэрин позицияларын туһунан сытыытык эппитэ.

Муус устар 5 күнүгэр субсидиялаах билиэттэр бүппүттэрин кэннэ кини Россия Тырааныспарка министиэристибэтигэр, Росавиацияҕа уонна Уһук Илини сайыннарыыга министиэристибэтигэр “Аэрофлот” хампаанньаны кытта үөскээбит балаһыанньаны быһаарсалларыгар соруйбута.

Ити түмүгэр Россия бырабыыталыстыбата 500 мөл солк. субсидиялаах бырагыраамаҕа эбии биэрэр туһунан быһаарыы ылыммыта.

Айаал Яковлев, СИА.

Следите за самым важным и интересным в Telegram-канале и WhatsApp-группе ЯСИА